ສະບາຍດີ ກັບມາພົບກັນອີກຄັ້ງ ກັບເລື່ງລາວຕ່າງໆ ກ່ຽວກັບ Blockchain ແລະ Bitcoin ກັນຄືເກົ່າ ມາຕໍ່ຈາກຕອນທີ່ແລ້ວກັນເຈົ້າ ກັບປິດສະໜາຂອງຊື່ Satoshi Nakamoto ດຳເນີນມາເຖິງບົດສະຫຼຸບແລ້ວ ເລື່ອງລາວຈະເປັນແນວໃດຕິດຕາມອ່ານຈາກບົດຄວາມຂ້າງລຸ່ມນີ້ໄດ້ເລີຍເຈົ້າ

 Phil Wilson ອ້າງວ່າທັງສາມຄົນໃຊ້ບັນຊີ Sourceforge Satoshi
Phil Wilson ອ້າງວ່າໃນຊ່ວງການປີ 2009 ພວກເຂົາໄດ້ຈັດຕັ້ງຟຼໍລຳກ່ຽວກັບ Sourceforge ເພື່ອຊ່ວຍສ້າງຊຸມຊົນຂອງໂປຣເຈັກ Bitcoin ຜູ້ສ້າງຫຼັກທັງສາມຄົນໄດ້ແກ່ Phil Wilson, Craig Wright ແລະDave Kleiman ມີສິດເຂົ້າເຖິງບັນຊີນີ້ ທັງສາມໂພດສ໌ດ້ວຍບັນຊີດຽວກັນ 
ຕໍ່ມາ ມີຜູ້ໃຊ້ຟຼໍລຳຖາມວ່າ Satoshi Nakamoto ວ່າເປັນຄົນດຽວຫຼືກຸ່ມຄົນ ເປັນຫຍັງບັນຊີຈຶ່ງໃຊ້ໂຄງສ້າງໄວຍະກອນແລະປະໂຫຍກທີ່ບໍ່ຄືກັນ
Phil Wilson ອ້າງວ່າສ້າງສັນຍາລັກ ແລະໂລໂກ Bitcoin
ສັນຍາລັກ ແລະ ໂລໂກ Bitcoin ທີ່ເປັນຮູບຕົວ B ສີສົ້ມ ຖືກເຜີຍແຜ່ຄັ້ງທຳອິດເມື່ອ ວັນທີ່ 24 ກຸມພາ 2553 Phil Wilson ອ້າງວ່າສ້າງໂລໂກ້ Bitcoin ໃນລະຫວ່າງການໂອ້ລົມກັບ Craig Wright Dave Kleiman
Phil Wilson ເຮັດໂລໂກ້ໃນ Paint Shop Pro 7 ຈັກນັ້ນສົ່ງແບບໄປໃຫ້ Craig Wright ໃຫ້ເຜີຍແຜ່ໃນໂລກອອນລາຍ

Phil Wilson ອອກຈາກໂປຣເຈັກ
ປີ 2010 Phil Wilson ຕັດສິນໃຈອອກຈາກໂປຣເຈັກ
“ຂ້ອຍຕັດສິນໃຈຢຸດຊ່ວຍເຫຼືອ Craig Wright Dave Kleiman ພວກເຂົາໄດ້ດຳເນີນໂປຣເຈັກນີ້ຢ່າງມີປະສິດທິພາບແລະຢຸດການພັດທະນາໃນສ່ວນທີ່ຂ້ອຍແນະນຳທັງໝົດໃນປີທີ່ຜ່ານມາ” ນັ້ນເຮັດໃຫ້ Wright ເລີ່ມໂມໂຫ ແລະ ແນະນຳເຂົາໃຫ້ໄປຢູ່ກັບຄົນທີ່ດີກວ່າ "ເລື່ອງນີ້ເກີດຂື້ນຊ້ຳແລ້ວຊ້ຳອີກ ເຂົາິດວ່າເຂົາບໍ່ໄດ້ໃຫ້ຄວາມຊ່ອຍເຫຼືອໃດໆເລີຍ ຂ້ອຍຕ້ອງການໃຫ້ເຂົາຊ່ອຍ “ເຮົາ” ແຕ່ຖ້າທ່ານບໍ່ຊ່ອຍເຫຼືອຂ້ອຍຈະໄປຫາຄົນທີ່ຊ່ອຍຂ້ອຍໄດ້ແທນ"

 Phil Wilson ອ້າງວ່າໄດ້ແນະນຳ Gavin Andrese ໃຫ້ເຂົ້າມາເຮັດໂປຣເຈັກນີ້ ແລະເຂົາກໍ່ເຂົ້າຮ່ວມໃນກາງປີ2010
Phil Wilson ລົບຫຼັກຖານທັງໝົດທີ່ກ່ຽວຂ້ອງກັບໂຄງການນີ້
Silk Road ຕະຫຼາດມືດຄ້າຢາແຫ່ງໜຶ່ງໃນອິນເຕີເນັດເປີດຕົວໃນເດືອນມັງກອນ 2011 ແລະກາງເດືອນກຸມພາ ໄດ້ອະນຸຍາດໃຫ້ໃຜກໍ່ຕາມສາມາດຂາຍຂອງໄດ້ Bitcoin ເປັນໜຶ່ງໃນວິທີການເຮັດທຸລະກຳທີ່ເປັນທີ່ນິຍົມຫຼາຍທີ່ສຸດໃນ Silk Road 
ນີ້ເປັນສິ່ງທີ່ Phil Wilson ກັງວົນກ່ຽວກັບການມີສ່ວນຮັບຜິດຊອບຂອງເຂົາ ໃນເດືອນເມສາ 2011 Gain ໄດ້ໂພດສ໌ວ່າເຂົາກຳລັງໄປພົບ CIA ເຮັດໃຫ້ Wilson ເຊື່ອວ່າທຸກຄົນທີ່ມີສ່ວນຮ່ວມກັບໂປຣເຈັກ Bitcoin ກຳລັງມີບັນຫາ ໃນເດືອນພຶດສະພາ 2011 bitcoin ແລະ Silk Road ໄດ້ຮັບຄວາມສົນໃຈຫຼາຍຂື້ນ ເຮັດໃຫ້ມີຂ່າວລືກ່ຽວກັບການບັງຄັບໃຊ້ກົດໝາຍສຳລັບ bitcoin ນີ້ຄືຕອນທີ່ Phil Wilson ຕັດສິນໃຈລົບຫຼັກຖານທັງໝົດທີ່ກ່ຽວຂ້ອງກັບການພັດທະນາ bitcoin ລວມເຖິງ bitcoin ທັງໝົດທີ່ເຂົາມີ
Phil Wilson หา Craig Wright ເພື່ອເຮັດສຳເນົາອີເມວ Wright ກ່າວວ່າຂໍ້ມູນດັ່ງກ່າວມີຂະໜາດໃຫຍ່ເກີນກ່ວາທີ່ຈະສົ່ງເປັນເອກກະສານແນບ ເປັນການຕິດຕໍ່ກັນ 3ປີ Wright ສະເໜີໃຫ້ສົ່ງໄດຣຟ໌ USB ທີ່ເຂົ້າລະຫັດລັບທາງໄປສະນີ ນັ້ນຄືຕອນທີ່ທັງສອງມີຄວາມກະຈ່າງແຈ້ງວ່າພວກເຂົາພັດທະນາໂປຣເຈັກ bitcoin ໄດ້ຈາກສ່ວນອື່ນຂອງໂລກ Wright ສົ່ງສຳເນົາທີ່ຢູ່ຂອງ Wilson ຫຼາຍປີທີ່ຜ່ານມາ Wilson ໄດ້ກະຈ່າງແຈ້ງວ່າ Craig Wright ກຳລັງໃຊ້ຊື່ແທ້ຂອງເຂົາ ໃນຂະນະດຽວກັນນັ້ນ Jamie ກໍ່ບໍ່ແມ່ນຊື່ແທ້ຂອງ Wilson ແລະ Wilson ປະຕິເສດທີ່ຈະພົບກັບ Wright ໂດຍຕົງ
Wilson ລ້າງລະບົບຂອງຕົນເອງ ເຂົາກວດກາເບິ່ງທຸກຢ່າງ ນອກຈາກນີ້ເຂົາຍັງລົບມູນຄ່າ bitcoin ມູນຄ່າ 40,000 ຫຼຽນ ຄິດເປັນມູນຄ່ານັບຮ້ອຍລ້ານດອນລຼາໃນວັນນີ້ Craig Wright ຕົກໃຈຫຼາຍ ແລ້ວກ່າວວ່າ “Wilson ບໍ່ຈຳເປັນຕ້ອງລົບ ພຽງເຂົ້າລະຫັດພວກເຂົາແລະເກັບໄວ້ໃນ... USB stick ບໍ່ມີໃຜສາມາດເຂົ້າເຖິງພວກເຂົາໄດ້ ”
ແຕ່ນັ້ນກໍ່ບໍ່ດີພໍສຳລັບ Wilson ຫຼັກຖານໃດໆ ທີ່ກ່ຽວຂ້ອງກັບໂຄງການ Bitcoin ແລະ bitcoin ຂອງເຂົາສູນຫາຍຢ່າງຖາວອນ

 ເມື່ອໃດທີ່ອອິນເຕີເນັດຮູ້ເລື່ອງ Phil Wilson?
ມີການກ່າວເຖິງການປາກົດຕົວຂອງ Wilson ໃນໂລກອອນລາຍຄັ້ງທຳອິດຂອງທີ່ / r / bitcoin ໃນວັນທີ 31 ຕຸລາ 2016 ລາຍລະຽດແລະເນື້ອຫາຖືກຂຽນໄວ້ໃນຊື່ “Bitcoin Origins” ທີ່ Wilson ໄດ້ອະທິບາຍເລື່ອງທີ່ມີສ່ວນຮ່ວມໃນໂປຣເຈັກ Bitcoin ຊຶ່ງຂໍ້ມູນຈະຄືກັບທີ່ໂພດສ໌ໄວ້ໃນ vu.hn.
ໂພດສ໌ບໍ່ໄດ້ດຶງດູດຄວາມສົນໃຈຫຼາຍເທົ່າໃດ ຊຸມຊົນຊາວ Bitcoin ເຫັນວ່າເປັນເລື່ອງລາວທີ່ດີ ແຕ່ໄດ້ຮັບການສະໜັບສະໜູນຈາກຫຼັກຖານທີ່ເປັນຮູບປະທຳ
Phil Wilson ແລະ the Tulip Trust Keys: Bitcoins ຂອງ Satoshi ຈະອອກໃນປີ 2020?
ທຸກຢ່າງທີີ່ກ່າວມາຂ້າງເທິງຖືກເປີດເຜີຍລະຫວ່າງເດືອນ ຕຸລາ 2017 ເຖິງ ເດືອນກຸມພາ 2018 ຕອນທີ່ Wilson ຫຼື Scronty ປາກົດຕົວຄັ້ງທຳອິດໃນໂລກອອນລາຍ ໂດຍອ້າງວ່າເປັນໜຶ່ງໃນສາມຄົນທີ່ຢູ່ເບື້ອງຫຼັງ bitcoin ແລະ Satoshi Nakamoto
ຢ່າງໃດກໍ່ຕາມໃນອາທິດທີ່ຜ່ານມາ Wilson ໄດ້ທະວິດຂໍ້ຄວາມກ່ຽວກັບປິດສະໜາຂອງ Satoshi Nakamoto ເພີ່ມ ແລະ ສະເໜີໃຫ້ປ່ຽນ Protocol ຂອງ BCH
Wilson ທະວິດເມື່ອວັນທີ 29 ສິງຫາ ວ່າ
“Craig ຫາກໍ່ຈະເຂົ້າໃຈເຕັກໂນໂລຢີຫຼັງຈາກທີ່ສອນຢ່າງຕໍ່ເນື່ອງມາ 3 ປີ”
“ເຂົາພໍດີທີ່ຈະເປັນນົກແກ້ວທີ່ເວົ້າໄດ້ 2-3 ປະໂຫຍກ ຂ້ອຍບໍ່ເຄີຍເຊື່ອໃຈເຂົາ ວ່າເຂົາເຂົ້າໃຈໃນສິ່ງທີ່ຕົວເອງເວົ້າ”
ນີ້ຄືສິ່ງທີ່ Wilson ອະທິບາຍ “Tulip Trust Keys.”
Wilson ຖາມ Craig Wright ວ່າສາມາດຍ້າຍ Bitcoin ຂອງ Satoshi Nakamoto ໄດ້ຫຼືບໍ ຫຼຽນນີ້ໜ້າຈະຖືກມັດໄວ້ກັບ “ຫຼາຍaddress” Wilson ກ່າວ ຖ້າທັງສອງຕົກລົງກັນໃນການໃຊ້ຫຼຽນບາງສ່ວນເພື່ອການຄົ້ນຄວ້າວິໃຈແລະພັດທະນາແລ້ວ ພວກເຂົາກໍ່ຄວນເຮັດ ຂ້ອຍມີສິດອອກສຽງໂວດຖ້າ Dave ກັບ Craig ຕົກລົງກັນບໍ່ໄດ້

ນີ້ຄືຕອນທີ່ Tulip Trust Keys ເຂົ້າມີບົດບາດ:
“ນັ້ນຄືຈຸດປະສົງຂອງ Tulip Trust Keys... Key ເຫຼົ່ານັ້ນບໍ່ເຄີຍຖືກໃຊ້ເພື່ອພິສູດວ່າໃຜຄື Satoshi ດັ່ງນັ້ນເປັຍຫຍັງ GMX Key ຈິ່ງບໍ່ຄືກັບ Key ດັ່ງເດີມທີ່ຖືກສ້າງຂື້ນໃນກໍລະນີທີ່ Craig ເລືອກທີ່ຈະບໍ່ຮັກສາຄຳເວົ້າ
ຍ້ອນກັບໄປໃນປີ 2016 Craig Wright ພະຍາຍາມເປີດເຜີຍວ່າຕົວເອງຄື Satoshi Nakamoto ແຕ່ Key ທີ່ເຂົາໃຊ້ ບໍ່ແມ່ນ Key ດັ່ງເດີມຂອງ Satoshi ແມ້ວ່າຈະຖືກອອກແບບມາໃຫ້ເບິ່ງຄ້າຍໆກັນກໍ່ຕາມ ນອກຈາກນີ້ຍັງມີສ່ວນທີ່ໜ້າສົນໃຈກ່ຽວກັບ Phil Wilson ທີ່ເປັນຜູ້ລົງທະບຽນໂດເມນ bitcoin.org ໃນຫຼາຍນາທີກ່ອນທີ່ Craig ແລະ Dave ຈະພະຍາຍາມເຮັດຕາມ ”

Bitcoins ຂອງ Satoshi Nakamoto ຈະປົດລ໋ອກເດືອນ ມັງກອນ 2020
“ວັນທີ 1 ມັງກອນ 2020 address ເຫຼົ່ານີ້ຈະໄດ້ຮັບການປົດລ໋ອກ ແລະ Craig ຈະສາມາດໂອນຫຼຽນ ທີ່ຍັງບໍ່ໄດ້ຂາຍຕອນ pre-sale ເປັນຈຳນວນຫຼາຍ”
Bitcoin ຂອງ Satoshi ອາດມີມູນຄ່າສູງເຖິງ 1ໝື່ນລ້ານຫຼຽນ ຫຼື ຫຼາຍກວ່າ ຫາກລາຄາຂອງມັນເພີ່ມຂື້ນລະຫວ່າງຕອນນີ້ເຖິງປີ 2020 

ສະຫຼຸບ
ມີສອງມຸມມອງກ່ຽວກັບເລື່ອງລາວຂອງ Phil Wilson: 

1. ເລື່ອງທີ່ Phil Wilson ເວົ້າຄວາມຈິງ Craig Wright ແລະ Dave Kleiman ສ້າງ Bitcoin ຮ່ວມກັນແລ້ວຊວນ Phil Wilson ໃຫ້ເຂົ້າຮ່ວມໃນປີ 2008 ເພື່ອເຮັດໃຫ້ໂປຣເຈັກສຳເລັດ Craig Wright ເປັນຄົນທີ່ມັກຫຍຸ້ງກັບຂໍ້ມູນສ່ວນຕົວຂອງ Satoshi Nakamoto ສ່ວນ Dave Kleiman ເປັນນັກພັດທະນາຊອບຟ໌ແວອັດສະລິຍະທີ່ພັດທະນາໂປຣໂຕຄຼໍ ທັງ3 ຄົນໂພດສ໌ພາຍໃຕ້ຊື່ Satoshi Nakamoto ທັງ 3ຄົນມີ Bitcoin ນັບຮ້ອຍນັບພັນຫຼຽນໃນຊ່ວງທຳອິດຂອງ Bitcoin
Wilson ລົບ Bitcoin ຂອງເຂົາທັງໝົດ Wright ແລະ Kleiman ເກັບ Bitcoin ໄວ້ດ້ວຍການເຂົ້າລະຫັດ Wright ຍັງສາມາດເຂົ້າເຖິງໄດ້ອີກ 100,000 Bitcoins ຫຼັງຈາກທີ່ມີການປົດລ໋ອກໃນປີ 2020 ເຮັດໃຫ້ເຂົາເຂົ້າເຖິງ Bitcoin ຂອງ Satoshi ໄດ້ທັງໝົດ
2. ເລື່ອງທີ່ Phil Wilson ເວົ້າຕວະ ເລື່ອງລາວຂອງເຂົາທີ່ vu.hn ເປັນລາຍລະອຽດກ່ຽວກັບການພັດທະນາຂອງ Bitcoin ລວມເຖິງບັນຫາທີ່ແກ້ໄຂໄດ້ຕະຫຼອດໄລຍະເວລາທີ່ເຮັດວຽກແລະ ອຸປະກອນທາງເຕັກໂນໂລຢີທີ່ຖືກເມີນເສີຍ ຂໍ້ມູນນີ້ເປັນຂໍ້ມູນເດີມແລະຍັງບໍ່ໄດ້ເຜີຍແຜ່ໄວ້ກ່ອນໜ້ານີ້ໃນອິນເຕີເນັດ ຖ້າມັນເປັນເລື່ອງແຕ່ງ Phil Wilson ກໍ່ໃສ່ລາຍລະອຽດງານເຂົ້າໄປຫຼາຍໃນເລື່ອງແຕ່ງນີ້
ຂະນະທີ່ Craig Wright ໄດ້ອອກຖະແຫຼ່ງການວ່າ Phil Wilson ຖືກໄລ່ອອກ ແລະ ຮຽກຮ້ອງໃຫ້ຈ່າຍເງິນຄ່າເສຍຫາຍ ອິນເຕີເນັດສ່ວນໃຫຍ່ບໍ່ສົນໃຈ Phil Wilson ບົດຄວາມໜື່ງຈາກ Blocksplain ເດືອນ ກຸມພາ 2018 ອາດເນັ້ນເລື່ອງລາວຂອງ Wilson ແຕ່ເຂົາໄດ້ຮັບຄວາມສົນໃຈຄ່ອນຂ້າງຈຳກັດນັບແຕ່ນັ້ນ
ທ້າຍທີ່ສຸດ Phil Wilson ອາດເປັນຄົນຢູ່ເບື້ອງຫຼັງ Bitcoin ຫຼືເປັນພຽງຜູ້ຊາຍທີ່ຄົນຕຶກປາໃຫ້ຄວາມສົນໃຈ ໃນຂະນະທີ່ປິດສະໜາຂອງ Satoshi Nakamoto ເປີດເຜີຍ ເຮົາໄດ້ຮຽນຮູ້ຈາກມື້ທຳອິດທີ່ເລີ່ມພັດທະນາ Bitcoin
Wow ເຮົາວ່າທ່ານຄົງຈະມ່ວນຊື່ນກັບປ໋ອບຄ໋ອນຂອງທ່ານ ມັນຄຸ້ມຄ່າຫຼາຍ ເຮົາຫວັງວ່າທ່ານຈະໄດ້ອ່ານໂພດສ໌ຂອງເຮົາທີ່ຊ່ວຍໃຫ້ເຂົ້າໃຈ ຕັ້ງແຕ່ມື້ເລີ່ມພັດທະນາ Bitcoin ແລະ ຂະບວນການກ່ອນອອກ white paper
ເຮົາຢາກຝາກຄວາມຄິດເຫັນຈາກໂພດສ໌ Bitcoin Origins ຂອງ Phil Wilson ທີ່ຄຸ້ມຄ່າເວລາທີ່ໃຊ້ໃນການຮຽນຮູ້ຫຼັງຈາກອ່ານໂພດສ໌ຫຼາຍເຖິງ 3,200 ຄຳ ແລະນັັັັ້ນຄື:
ເຕັກໂນໂລຢີນີ້ຈະຊ່ວຍຂັບເຄື່ອນໃຫ້ຜູ້ຄົນກ້າວໄປສູ່ດິຈິຕອນແລະໃຊ້ມັນເປັນຜູ້ຜະລິດແລະສະກຸນເງິນໄດ້ເຮົາຈະຕ້ອງຜັກດັນແນວຄິດຂອງຜະລິດຕະພັນນີ້ ເພາະ ໃນທາງປະຕິບັດທຸກປະເທດມີສະກຸນເງິນ fiat ຂອງຕົນເອງ ແລະ ມີກົດໝາຍຫ້າມຄົນສ້າງສະກຸນເງິນ ແລະລະບົບການເງິນຂອງຕົນເອງ ມັນບໍ່ຄືກັບຊຸມຊົນ crypto ທີ່ສາມາດສ້າງ electronic cash ໄດ້ເອງໃນຊ່ວງຫຼາຍປີນີ້ ນີ້ເປັນຄັ້ງທຳອິດທີ່ກົດເກນນັ້ນຖືກທ້າທາຍ (this is the very first time the nut has finally been cracked) ບໍ່ພຽງແຕ່ລັດຖະບານໃນປະເທດຂອງທ່ານທີ່ຕ້ອງລະວັງ ແຕ່ທຸກໆລັດຖະບານໃນໂລກນີ້ຈະສັງຫານເຮົາເພື່ອປົດປ່ອຍສິ່ງທີ່ເຂົາບໍ່ອາດຄວບຄຸມໄດ້ ບາງສິ່ງສາມາດດຳລົງຢູ່ໄດ້ດົນນານກວ່າປະເທດຂອງເຂົາ ລັດຖະບານຂອງເຂົາ ແລະລັດຖະທຳມະນູນຂອງເຂົາ ໃນວັນໜື່ງລູກຫຼານຂອງເຮົາຈະເບິ່ງຍ້ອນກັບມາແລະເບິ່ງສິ່ງທີ່ຄັ້ງໜື່ງຖືກຮ້ອງວ່າປະເທດອະທິປະໄຕດ້ວຍຄວາມຂັບຂັນ ແລະພວກເຂົາຈະເຮັດທຸກຢ່າງຈາກເຕັກໂນໂລຢີແກ້ໄຂບັນຫາຂອງ electronic cash ເພື່ອສ້າງອະທິປະໄຕຂອງພວກເຂົາເອງ

ຂ້ອຍຂໍຝາກໜື່ງປະໂຫຍກທີ່ເໝາະຈະປິດທ້າຍບົດຄວາມນີ້ແກ່ຜູ້ອ່ານທຸກທ່ານເຈົ້າ
“ລະບົບທັງໝົົດຕ້ອງໃຊ້ໄດ້ຈິງແທ້ ແລະຕັດສິນວ່າແມ່ນຫຍັງຄືຄວາມຈິງ ແລະຕອນນີ້ເຮົາກັບໄປໃນຄວາມຈິງທີ່ວ່າ #When MOON”

ກໍ່ຈົບລົງໄປກັບອີກໜື່ງບົດຄວາມເຈົ້າ ຫວັງວ່າທຸກທ່່ານຄົງຈະເພີດເພີນ ແລະມ່ວນຊື່ນ ແລະໄດ້ຮັບຄວາມຮູ້ໄປບໍ່ຫຼາຍກໍ່ນ້ອຍ
ສຳລັບບົດຄວາມໜ້າ ຈະເປັນຕອນຈົບ ກະລຸນນາຕິດຕາມກັນຕໍ່ໄປເດີ້ເຈົ້າ
ຢ່າລືມ ກົດໄລທ໌ ກົດແຊ ກັນຫຼາຍໆເດີເຈົ້າ ເພື່ອເປັນກຳລັງໃຈໃຫ້ກັບທີມງານເຮົາ ທີ່ຈະນຳສະເໜີເລື່ອງລາວດີໆ ກ່ຽວກັບໂລກຂອງ Blockchain, Crypto Currency ແລະ Digital Asset ກັນຕໍ່ໄປ.