ຫນ້າແລກ

What's Bitcoin & Cryptocurrencies?

ຂໍ້ມູນລະອຽດ ທີ່ໄປທີ່ມາຂອງ ບິດຄອຍ Bitcoin

ບິດຄອຍ ເມື່ອ ປີ 2015

ສຳລັບຄົນທີ່ເຂົ້າມາເບິ່ງໃນບົດຄວາມນີ້ກໍ່ຄົງຈະຮູ້ຈັກກັບ Bitcoin ກັນແລ້ວເຊັ່ນວ່າ ມັນຄືເງິນດິຈິຕອນ ຢູ່ໃນໂລກອິນເຕີເນັດບໍ່ມີສູນກາງມີ Blockchain ຊື່ງໃນບົດຄວາມນີ້ເຮົາບໍ່ໄດ້ມາເລົ່າວ່າໂຕ Bitcoin ນັ້ນແມ່ນຫຍັງເຮັດວຽກແບບໃດ ແຕ່ເຮົາຈະຂໍເລົ່າເຖິງຮູບແບບການເງິນໃນອະດີດກ່ອນທີ່ຈະມີ Bitcoin ຈົນມີ Bitcoin ທີ່ລາຄາໜ່ວຍລະບໍ່ເຖິງ 1 usd/btc ຈົນວ່າມັນໄປເຖິງ 20000 usd/btc ໃນປີ 2017 ນັ້ນມັນເກີດຫຍັງຂື້ນແດ່ເພື່ອໃຫ້ທ່່ານຜູ້ອ່ານໄດ້ເຂົ້າໃຈເຖິງທີ່ໄປທີ່ມາຂອງເງິນຕາ ແລະ ລະບົບການແລກປ່ຽນລວມເຖິງເຂົ້າໃຈບັນຫາທີ່ມີມາຢ່າງຍາວນານຂອງລະບົບການເງິນ ແລະ ເສດຖະກິດເພື່ອໃຫ້ຄວາມສາມາດເຫັນພາບໄດ້ຢ່າງຊັດເຈນຍິ່ງຂື້ນເຖິງເຫດຜົນຂອງການສ້າງ Bitcoin ຂື້ນມາ.

ຍ້ອນກັບໄປກ່ອນທີ່ມະນຸດຈະເລີ່ມມີລັດຖະບານ ກ່ອນທີ່ມະນຸດຈະເລີ່ມມີປະເທດ ກ່ອນທີ່ມະນຸດຈະເລີ່ມມີສະກຸນເງິນ ລະບົບແລກປ່ຽນດຽວທີ່ມະນຸດຮູ້ຈັກໃນຂະນະນີ້ກໍ່ຄືລະບົບຂອງແລກຂອງ(Barter System) ຍົກຕົວຢ່າງເຊັ່ນ ທ້າວA ຢາກໄດ້ອຸປະກອນປູກຝັ່ງ ທ້າວB ຢາກໄດ້ຢາຮັກສາພະຍາດ ແລະຖ້າທັງສອງຕ່າງກໍ່ມີສິ່ງທີ່ຕ່າງຝ່າຍຕ້ອງການ ການແລກປ່ຽນມູນຄ່າສິ່ງຂອງກໍ່ຈະເກີດຂື້ນ ແລະຕ່າງຝ່າຍກໍ່ຈະໄດ້ສິ່ງຂອງທີ່ຕ້ອງການ

ແລະຖ້າ ທ້າວA ມີອາຫານ ແລະຕ້ອງການທີ່ຈະແລກປ່ຽນກັບອຸປະກອນປູກຝັ່ງ ໃນຂະນະທີ່ ທ້າວB ມີອຸປະ ກອນປູກຝັ່ງແຕ່ບໍ່ໄດ້ຕ້ອງການອາຫານເລີຍແມ້ແຕ່ນ້ອຍ ທ້າວB ຕ້ອງການພຽງຍາຮັກສາພະຍາດເທົ່ານັ້ນຕ່າງຝ່າຍກໍ່ຈະບໍ່ສາມາດແລກປ່ຽນກັນໄດ້ເພາະບໍ່ໄດ້ມີສິ່ງຕ່າງຝ່າຍຕ່າງຕ້ອງການ ແຕ່ໃນກໍລະນີນີ້ຫາກມີບຸກຄົນທີ່ສາມ ເຊັ່ນ ທ້າວC ທີ່ມີຢາຮັກສາພະຍາດແລະຕ້ອງການແລກກັບອາຫານ ການແລກປ່ຽນກໍ່ຈະສົມບູນໂດຍທັງສາມກໍ່ສາມາດແລກປ່ຽນສິ່ງຂອງທີ່ແຕ່ລະຄົນຕ້ອງການໄດ້.

Eric Hughes

ທ້າຍປີ 1992 Eric Hughes, Timothy C. May ແລະ John Gilmore ໄດ້ຈັດຕັ້ງກຸ່ມນ້ອຍໆ ຂື້ນມາກຸ່ມໜຶ່ງທີ່ມີຊື່ວ່າ Cypherpunk ຊື່ງມາຈາກຄຳວ່າ Cipher (ການເຂົ້າລະຫັດ) ແລະຄຳວ່າ punk (ກຸ່ມເດັກໄວລຸ້ນ)

ພວກເຂົາໄດ້ສ້າງ Mailing List (ເຄື່ອຂ່າຍສະມາຊິກທີ່ສົ່ງຂໍ້ມູນກັນຜ່ານ E-mail) ທີ່ມີສະມາຊິກຫຼາຍກວ່າ 700 ຄົນ ຊື່ງໃນກຸ່ມນັ້ນຈະໂອ້ລົມກັນກ່ຽວກັບຄວາມຮູ້ເຊີງຄະນິດສາດ ແຫ່ງການເຂົ້າລະຫັດ (Cryptography) ຄວາມຮູ້ໃນສາຂາວິທະຍາການຄອມພິວເຕີ ປັດຊະຍາ ແລະຄວາມເຫັນທາງການເມືອງ ໂດຍໃນປີ 1997 ຫຼືອີກ 5 ປີຖັດມາ ປາກົດວ່າມີສະມາຊິກເຂົ້າຮ່ວມກຸ່ມດັ່ງກ່າວເຖິງ 2000 ຄົນ ແລະ ແນວຄິດຂອງ Bitcoin ທີ່ສາມາດໂອນເງິນໄດ້ຢ່າງອິດສະຫຼະໂດຍບໍ່ຕ້ອງເປີດເຜີຍຕົວຕົນຈິງເກີດຂື້ນທີ່ນີ້.

ຈະເຫັນໄດ້ຢ່າງຊັດເຈນວ່າ ບັນຫາຂອງລະບົບ Barter System ນັ້ນຄື ຄວາມຫຍຸ້ງຍາກແລະລຳບາກຫາກແຕ່ລະຝ່າຍບໍ່ໄດ້ມີສິ່ງທີ່ອີກຝ່າຍຕ້ອງການດັ່ງນັ້ນ ຕົວກາງໃນການແລກປ່ຽນຈື່ງຈຳເປັນຕ້ອງຖືກສ້າງຂື້ນ ສິ່ງທຳອິດທີ່ມະນຸດນຳມາໃຊ້ເປັນຕົວກາງໃນການແລກປ່ຽນຄື “ເກືອ” ເນື່ອງຈາກໃນອະດີດເກືອເປັນສິ່ງທີ່ຖືກຍອມຮັບໃນດ້ານຂອງມູນຄ່າເພາະເກັບຮັກສາໄວ້ໄດ້ດົນ ແລະເກືອສາມາດນຳໄປເຮັດປະໂຫຍດໄດ້ຫຼາຍຢ່າງ ໃນຍຸກຕໍ່ມາຕົວກາງແລກປ່ຽນກໍ່ໄດ້ປ່ຽນມາເປັນຫີນແຮ່ ເຊັ່ນ ທອງຄຳ ຫຼື ເພັດ ເນື່ອງຈາກຄວາມຫາຍາກ ການຍອມຮັບໃນມູນຄ່າການປອມແປງໄດ້ຍາກ ແລະສະພາບທີ່ຄົງທົນ ສຸດທ້າຍຫີນແຮ່ເຫຼົ່ານັ້ນກໍ່ຖືກນຳໄປເປັນສ່ວນປະກອບໃນການສ້າງຮູບແບບຂອງເງິນທີ່ມີມາດຕະຖານ ແລະເປັນທີ່ຍອມຮັບຫຼາຍຂື້ນ ນັ້ນກໍ່ຄື “ຫຼຽນກະສາບ” ຄືທີ່ເຮົາໃຊ້ກັນຢູ່ທຸກມື້ນີ້

ເມື່ອອິນເຕີເນັດເກີດຂື້ນມາແນວຄິດທີ່ຈະສ້າງລະບົບການເງິນທີ່ຜູກພັນກັບອິນເຕີເນັດນັ້ນກໍ່ເກີດຂື້ນມາດ້ວຍ ແຕ່ມັນກໍ່ມີສາເຫດທີ່ມັນກັບບໍ່ປະສົບຜົນສຳເລັດເລີຍຈົນມາເຖິງໃນຍຸກຂອງ Bitcoin ຫາກເງິນຕາບໍ່ສາມາສົ່ງໄດ້ດ້ວຍຄວາມໄວເທົ່າກັບອິນເຕີເນັດ ຫາກເງິນຕາເປັນສິ່ງທີ່ບໍ່ສາມາດຈັບຕ້ອງໄດ້ ແມ່ນຫຍັງຈະເກີດຂື້ນ

Bitcoin ເປັນເທັກໂນໂລຢີທີ່ໄດ້ກ່າວຂ້າມຜ່ານເທັກໂນໂລຢີທາງການເງິນອື່ນໆ ຢ່າງຫຼວງຫຼາຍທີ່ທັງຍັງຄົງຢູ່ ແລະລົ້ມເລີກ ໂດຍລາຍຊື່ຈາກຮູບພາບທີ່ເຫັນຄືລາຍຊື່ຂອງເທັກໂນໂລຢີທີ່ເປັນລະບົບການຈ່າຍເງິນໂດຍໃຊ້ການເຂົ້າລະຫັດ (Cryptographic Payment) ຫຼາຍກວ່າ 100 ລາຍການ

ທັງທີ່ເປັນຮູບແບບເງິນອີເລັກໂທຣນິກແລະກາຣ໌ດ ໂດຍບາງລາຍການກໍ່ໄດ້ຮັບການພັດທະນາ ແລະທົດລອງໃຊ້ງານ ແລະບາງລາຍການກໍ່ຖືກລົ້ມເລີກໄປກ່ອນທີ່ຈະໄດ້ໃຊ້ງານຕົວຈິງ ເຊິ່ງຊື່ທີ່ເຮົາຄຸ້ນເຄີຍກັນດີທີ່ສຸດຄືຈະໜີບໍ່ພົ້ນ Paypal ທີ່ເປັນຜູ້ໃຫ້ບໍລິການການຊຳລະເງິນອອນລາຍທີ່ໃຫຍ່ທີ່ສຸດແຫ່ງໜຶ່ງ ໂດຍ Paypal ນັ້ນຢູ່ລອດມາໄດ້ເນື່ອງຈາກການປ່ຽນຈຸດຢືນຂອງຕົນຈາກລະບົບຈ່າຍເງິນໂດຍໃຊ້ການເຂົ້າລະຫັດໄປເປັນລະບົບຈ່າຍເງິນໂດຍໃຊ້ອຸປະກອນພົກພາ ຊື່ງລາຍຊື່ເຫຼົ່ານີ້ປຽບຄືກັບບັນພະບູລຸດຂອງ Bitcoin ໂດຍເທັກໂນໂລຢີເຫຼົ່ານີ້ໄດ້ເຮັດການລອງຜິດລອງຖືກກັບຫຼາກຫຼາຍບັນຫາຢ່າງຫຼວງຫຼາຍຊື່ງປະສົບທັງຄວາມສຳເລັດ ແລະຄວາມລົ້ມເຫຼວກັນຫຼາຍແລ້ວ ແລະບົດຮຽນສຳຄັນເຫຼົ່ານີ້ຖືກນຳມາພັດທະນາເພື່ອສ້າງເປັນ Bitcoin ຂື້ນມາ

ປະຈຸບັນກໍ່ບໍ່ມີໃຜຮູ້ວ່າ Satoshi Nakamoto ຜູ້ທີ່ສ້າງ ບິດຄອຍ ນັ້ນເປັນໃຜເຂົາເປັນພຽງຄົນໆດຽວຫຼືຄົນກຸ່ມໜຶ່ງກັນແທ້ ແຕ່ການບໍ່ເປີດເຜີຍຕົວຕົນຂອງເຂົາກໍ່ເຮັດໃຫ້ລະບົບຂອງ Bitcoin ນັ້ນປາດສະຈາກຜູ້ຊີ້ນຳໃນລະບົບຂອງ Bitcoin ຄືວ່າຈະຖືກພັດທະນາຈາກຄົນຫຼາຍກວ່າ 1 ຄົນ ການໂອນ Bitcoin ຄັ້ງທຳອິດເກີດຂື້ນໃນວັນທີ 12 ມັງກອນ ປິ 2009 ໃນ Block ທີ່ 170 ຊື່ງເປັນການໂອນຈາກ Satoshi ໄປໃຫ້ກັບ Hal Finney ເຮັດໃຫ້ Hal Finney ຖືກສົງໄສວ່າເປັນ Satoshi ຕົວຈິງ ເຂົານັ້ນໂອນເງິນໃຫ້ກັບຕົວເອງ ເປັນການພິສູດວ່າລະບົບການເງິນໃນ Bitcoin ນັ້ນເປັນສິ່ງທີ່ສາມາດໃຊ້ງານໄດ້

Geek ຫຼື Developer ທີ່ເວົ້າເຖິງວ່າໃນອານາຄົດມັນຈະເປັນແນວໃດແດ່ ມັນຈະຍິ່ງໃຫຍ່ຂະໜາດໃດ ແຕ່ມັນຍັງບໍ່ທັນໄດ້ມີຄ່າຫຍັງໃດໆທັງສີ້ນ ປະເດັ່ນທີ່ເວົ້າວ່າ Bitcoin ຈະມີມູນຄ່າໄດ້ແນວໃດກໍ່ເປັນໜື່ງໃນຂໍ້ສົງໄສທີ່ຕ້ອງລໍຖ້າຄຳຕອບຈາກຜູ້ໃຊ້ງານຈົນໃນ ວັນທີ 5 ຕຸລາ ປີ 2009 ເວບໄຊ new liberty standard ໄດ້ຂຽນແນວຄິດຂອງມູນຄ່າຂອງ Bitcoin ຂື້ນມາໂດຍອ້າງອິງກັບກຳລັງໄຟທີ່ CPU ໃຊ້ໃນການຂຸດ Bitcoin ໂດຍໃນຂະນະນັ້ນ 1$ ມີຄ່າເທົ່າກັບ 1,309 BTC ຫຼືປະມານ 0.07 ເປີເຊັນຕໍ່ 1 BTCນວັນທີ 6 ກຸມພາ ປິ 2010 ທີ່ຊື່ວ່າ dwdollar ຊື່ງເປັນ Exchange ທີ່ສາມາດຊື້ Bitcoin ດ້ວຍເງິນດອນລຼາຜ່ານ Paypal ແລະເປັນຄັ້ງທຳອິດທີ່ Bitcoin ນັ້ນມີມູນຄ່າຈາກໂລກແຫ່ງຄວາມເປັນຈິງເຊື່ອມໂຍງກັບໂລກດິຈິຕອນ

ຈົບລົງໄປແລ້ວເດີເຈົ້າກັບ History of bitcoin ຕອນທີ່ 5 ຫວັງວ່າທຸກທ່ານຈະໄດ້ຮັບຮູ້ເລື່ອງລາວທີ່ເກີດຂື້ນຂອງ Bitcoin ໃນຊ່ວງເລີ່ມຕົ້ນແລ້ວຕອນໜ້າເຮົາມາເວົ້າກັນເຖິງເຫດການພິຊຊ່າ Papa John’s 2 ຖາດທີ່ແພງທີ່ສຸດໃນໂລກ.

ຫລັງຈາກບົດຄວາມເກົ່າຕອນທີ່ຜ່ານມາເຮົາໄດ້ເວົ້າເຖິງການກຳເນີດຂອງ Bitcoin ແຕ່ແນວໃດກໍ່ຕາມ Bitcoin ກໍ່ຍັງເກືອບຈະບໍ່ມີມູນຄ່າແລະຍັງບໍ່ເຄີຍນຳມາໃຊ້ແລກປ່ຽນໃນຊິວິດປະຈຳວັນເລີຍ ວັນນີ້ເຮົາຈະມາເລົ່າເຖິງເຫດການພິດຊ໌ຊ່າ 2 ຖາດທີ່ຖືກຊື້ດ້ວຍ Bitcoin ຊື່ງປະຈຸບັນກາຍເປັນ ພິດຊ໌ຊ່າທີ່ແພງທີ່ສຸດໃນໂລກໄປແລ້ວ ແລະ ອີກໜື່ງສິ່ງທີ່ເຮົາຈະເລົ່າກັນຄືຄວາມຜິດພາດຂອງ Bitcoin ນັ້ນເອງ, Bitcoin ທີ່ເຮົາໃຊ້ກັນຢູ່ທຸກມື້ນີ້ມີຄວາມຜິດພາດພຽງຄັ້ງດຽວເທົ່ານັ້ນທີ່ເຮັດໃຫ້ Bitcoin ຖືກສ້າງຂື້ນມາເກີນເຖິງ 184 ພັນລ້ານ BTC ແລ້ວມັນເກີດຫຍັງຂື້ນກັນແທ້ ເຮົາຈະມາເລົ່າໃຫ້ທຸກທ່ານຟັງນຳກັນເດີ້ເຈົ້າ.

ຕັ້ງແຕ່ Bitcoin ເກີດຂື້ນມັນເປັນເລື່ອງທີ່ໂດ່ງດັ່ງຫຼາຍໆ ໃນໝູ່ນັກວິໃຈຫຼືຄົນກຸ່ມໜື່ງເທົ່ານັ້ນ ແລະ ມີການເວົ້າລົມກັນເຖິງການນຳມາໃຊ້ຕົວຈິງວ່າຈະນຳໄປໃຊ້ໄດ້ຫຼືບໍ່ເທົ່ານັ້ນ ໃນວັນທີ 22 ພຶດສະພາ 2010 ໄດ້ມີການນຳ Bitcoin ໄປແລກປ່ຽນກັບສິນຄ້າແທ້ໆເປັນຄັ້ງທຳອິດ ໂດຍຜູ້ທີ່ໃຊ້ງານ Bitcoin ຄົນໜື່ງທີ່ມີຊື່ວ່າ Laszlo Hanyecz ໄດ້ໂພດສ໌ ຂໍ້ຄວາມໃນເວບໄຊ bitcointalk ໃນວັນທີ 18 ພຶດສະພາ 2010 ວ່າ

“ຂ້ອຍຍິນດີຈະຈ່າຍ 10,000 Bitcoin ສຳລັບພິດຊ໌ຊ່າສອງຖາດ ແລະ ໜ້າຈະເປັນຂະໜາດໃຫຍ່ຂ້ອຍຈະໄດ້ເຫຼືອພິດຊ໌ຊ່າໄວ້ກິນຕໍ່ໃນມື້ອື່ນ ທ່ານຈະເຮັດພິດຊ໌ເອງຫຼືໂທສັ່ງກໍ່ໄດ້ ຂ້ອຍຢາກຈະສັ່ງຊື້ອາຫານຫຍັງບາງຢ່າງໂດຍແລກກັບ Bitcoin ແມ່ນຫຍັງກໍ່ໄດ້ທີ່ບໍ່ຕ້ອງກຽມເອງ ຄ້າຍໆເມນູອາຫານເຊົ້າໃນໂຮງແຮມ ທີ່ທາງໂຮງແຮມກຽມຫຍັງບາງຢ່າງໃຫ້ທ່ານໃນຕອນເຊົ້າແລະມັນກໍ່ຈະແຊບນຳອີກ

ຂ້ອຍມັກ ຫົວຫອມ ພິກໄທ ໄສ້ກອກ ເຫັດ ໝາກເຂືອເທດ ເປບເປີໂຣນີ ແມ່ນຫຍັງກໍ່ໄດ້ທີ່ເປັນຂອງທົ່ວໆໄປ ບໍ່ຕ້ອງມີຫຍັງແປກໆ ເຊັ່ນວ່າຊີ້ນປາ ຂ້ອຍມັກຊີດສ໌ ແບບທຳມະດາ ທີ່ມີລາຄາຖືກແດ່ ແຕ່ຊິດສ໌ແບບອື່ນກໍ່ໄດ້ຄືກັນ

ຖ້າທ່ານສົນໃຈຊ່ອຍບອກຂ້ອຍແດ່ຫຼັງຈາກນັ້ນສີ່ວັນຜູ້ໃຊ້ງານທີ່ໃຊ້ນາມແຝງວ່າ Jercos ໄດ້ສັ່ງພິດຊ໌ຊ່າຈາກ Papa John’s pizzes ໃນການຕອບຮັບຂໍ້ສະເໜີຂອງ Laszlo ໂດຍພິດຊ໌ຊ່າສອງຖາດນັ້ນມີມູນຄ່າຢູ່ທີ່ 41 ດອນລຼາ ເຮັດໃຫ້ມັນເປັນກ້າວທຳອິດຂອງການໃຊ້ຈ່າຍ Bitcoin ໄປກັບສິນຄ້າ ແລະ ບໍລິການ.ສິ່ງທີ່ໜ້າສົນໃຈຄືໃນກະທູ້ນັ້ນໄດ້ມີຄົນສົນທະນາກັນໃນກະດານວ່າມັນອາດຈະເປັນ Pizza ຖາດທຳອິດທີ່ມີມູນຄ່າລ້ານດອນລຼາກໍ່ເປັນໄດ້ ແລະມັນກໍ່ເປັນໄປຕາມນັ້ນແທ້ໆ ໂດຍຜູ້ໃຊ້ງານ Bitcoin ໄດ້ສະເຫຼີມສະຫຼອງວັນທີ່ 22 ພຶດສະພາ ໃຫ້ເປັນວັນ Bitcoin pizza day ໂດຍມີບັນຊີທະວິດເຕີຣທີ່ມີຊື່ວ່າ @bitcoin pizza ທີ່ຈະລໍຖ້າທະວີດລາຄາຂອງພິດຊ໌ຊ່າ 2 ຖາດນີ້ໃນປະຈຸບັນທຸກມື້ ແລະມັນນັບວ່າເປັນພິດຊ໌ຊ່າທີ່ມີລາຄາແພງທີ່ສຸດໃນໂລກ ຊ່ວງທີ່ Bitcoin ມີລາຄາທີ່ 20,000 ດອນລຼາ ພິດຊ໌ຊ່າສອງຖາດນັ້ນມີມູນຄ່າ 200 ລ້ານ ດອນລຼາ ຫຼືປະມານ 6,400 ລ້ານບາດ ແລະໃນພາຍຫຼັງ Jercos ທີ່ໄດ້ຮັບ 10,000 BTC ໄປກໍ່ຂາຍມັນໄປໃນລາຄາ 400 ດອນລຼາ ຊື່ງຫຼາຍກວ່າລາຄາພິດຊ໌ຊ່າທີ່ເຂົາສັ່ງຊື້ເຖິງ 10 ເທົ່າ ຫຼັກຖານໃນການຂາຍ Bitcoin ໃນມື້ນັ້ນ .