ການເງິນກ່ອນຍຸກສະໃຫມດິຈິຕອນ
ຍ້ອນກັບໄປກ່ອນທີ່ມະນຸດຈະເລີ່ມມີລັດຖະບານ ກ່ອນທີ່ມະນຸດຈະເລີ່ມມີປະເທດ ກ່ອນທີ່ມະນຸດຈະເລີ່ມມີສະກຸນເງິນ ລະບົບແລກປ່ຽນດຽວທີ່ມະນຸດຮູ້ຈັກໃນຂະນະນີ້ກໍ່ຄືລະບົບຂອງແລກຂອງ(Barter System) ຍົກຕົວຢ່າງເຊັ່ນ ທ້າວA ຢາກໄດ້ອຸປະກອນປູກຝັ່ງ ທ້າວB ຢາກໄດ້ຢາຮັກສາພະຍາດ ແລະຖ້າທັງສອງຕ່າງກໍ່ມີສິ່ງທີ່ຕ່າງຝ່າຍຕ້ອງການ ການແລກປ່ຽນມູນຄ່າສິ່ງຂອງກໍ່ຈະເກີດຂື້ນ ແລະຕ່າງຝ່າຍກໍ່ຈະໄດ້ສິ່ງຂອງທີ່ຕ້ອງການ
ແລະຖ້າ ທ້າວA ມີອາຫານ ແລະຕ້ອງການທີ່ຈະແລກປ່ຽນກັບອຸປະກອນປູກຝັ່ງ ໃນຂະນະທີ່ ທ້າວB ມີອຸປະ ກອນປູກຝັ່ງແຕ່ບໍ່ໄດ້ຕ້ອງການອາຫານເລີຍແມ້ແຕ່ນ້ອຍ ທ້າວB ຕ້ອງການພຽງຍາຮັກສາພະຍາດເທົ່ານັ້ນຕ່າງຝ່າຍກໍ່ຈະບໍ່ສາມາດແລກປ່ຽນກັນໄດ້ເພາະບໍ່ໄດ້ມີສິ່ງຕ່າງຝ່າຍຕ່າງຕ້ອງການ ແຕ່ໃນກໍລະນີນີ້ຫາກມີບຸກຄົນທີ່ສາມ ເຊັ່ນ ທ້າວC ທີ່ມີຢາຮັກສາພະຍາດແລະຕ້ອງການແລກກັບອາຫານ ການແລກປ່ຽນກໍ່ຈະສົມບູນໂດຍທັງສາມກໍ່ສາມາດແລກປ່ຽນສິ່ງຂອງທີ່ແຕ່ລະຄົນຕ້ອງການໄດ້.
ຈະເຫັນໄດ້ຢ່າງຊັດເຈນວ່າ ບັນຫາຂອງລະບົບ Barter System ນັ້ນຄື ຄວາມຫຍຸ້ງຍາກແລະລຳບາກຫາກແຕ່ລະຝ່າຍບໍ່ໄດ້ມີສິ່ງທີ່ອີກຝ່າຍຕ້ອງການດັ່ງນັ້ນ ຕົວກາງໃນການແລກປ່ຽນຈື່ງຈຳເປັນຕ້ອງຖືກສ້າງຂື້ນ ສິ່ງທຳອິດທີ່ມະນຸດນຳມາໃຊ້ເປັນຕົວກາງໃນການແລກປ່ຽນຄື “ເກືອ” ເນື່ອງຈາກໃນອະດີດເກືອເປັນສິ່ງທີ່ຖືກຍອມຮັບໃນດ້ານຂອງມູນຄ່າເພາະເກັບຮັກສາໄວ້ໄດ້ດົນ ແລະເກືອສາມາດນຳໄປເຮັດປະໂຫຍດໄດ້ຫຼາຍຢ່າງ ໃນຍຸກຕໍ່ມາຕົວກາງແລກປ່ຽນກໍ່ໄດ້ປ່ຽນມາເປັນຫີນແຮ່ ເຊັ່ນ ທອງຄຳ ຫຼື ເພັດ ເນື່ອງຈາກຄວາມຫາຍາກ ການຍອມຮັບໃນມູນຄ່າການປອມແປງໄດ້ຍາກ ແລະສະພາບທີ່ຄົງທົນ ສຸດທ້າຍຫີນແຮ່ເຫຼົ່ານັ້ນກໍ່ຖືກນຳໄປເປັນສ່ວນປະກອບໃນການສ້າງຮູບແບບຂອງເງິນທີ່ມີມາດຕະຖານ ແລະເປັນທີ່ຍອມຮັບຫຼາຍຂື້ນ ນັ້ນກໍ່ຄື “ຫຼຽນກະສາບ” ຄືທີ່ເຮົາໃຊ້ກັນຢູ່ທຸກມື້ນີ້
 |
|
 |
| ແນ່ນອນວ່າການເຄື່ອນຍ້າຍເງິນທີ່ເປັນເແຮ່ໂລຫະຈຳນວນຫຼາຍນັ້ນບໍ່ໄດ້ສະດວກສະບາຍສະເໝີໄປດ້ວຍເຫດຜົນນີ້ຈຶ່ງໄດ້ມີການຄິດຄົ້ນລະບົບທະນາຄານຫຼືສະຖາບັນທາງການເງິນຂື້ນມາ ໂດຍທະນາຄານຈະເຮັດການມອບບັດທັນນະບັດໃຫ້ກັບຜູ້ທີ່ນຳທອງຫຼືເງິນໃນຮູບແບບອື່ນໆ ມາຝາກຊື່ງບັດທັນນະບັດທີ່ຢູ່ໃນຮູບແບບຂອງເຈ້ຍເຫຼົ່ນີ້ຈະເປັນຕົວແທນຂອງມູນຄ່າ ແລະຈະຖືກຄ້ຳປະກັນໂດຍທະນະຄານນັ້ນໆ ເຮັດໃຫ້ການແລກປ່ຽນສິ່ງຂອງ ແລະການກຳນົດມູນຄ່າຂອງສິ່ງຂອງຕ່າງໆ ສາມາດເຮັດໄດ້ສະດວກຍິ່ງຂື້ນເມື່ອບໍ່ຈຳເປັນຕ້ອງຖືກຫຼຽນທອງຈຳນວນຫຼາຍ ແຕ່ໃນທາງກັບກັນບັນຫາທີ່ຕາມມາກໍ່ຄືການສໍ້ໂກງ ແລະການປອມແປງບັດເງິນທັນນະບັດ ສາມາດເຮັດໄດ້ງ່າຍກວ່າການປອມແປງຫຼຽນ ຫຼືໂລຫະປະເພດອື່ນໆ |
 |
ຕໍ່ມາໃນຊ່ວງການປົກຄອງຂອງລາດຊະວົງຖັງ ປະເທດຈີນກໍ່ໄດ້ຄິດຄົ້ນນະວັດຕະກຳທາງການເງິນແບບໃໝ່ໂດຍການນຳເຈ້ຍມາໃຊ້ແທນຫຼຽນກະສາບທົ່ວໄປເພື່ອເປັນຕົວກາງໃນການແລກປ່ຽນ ແນວຄິດນີ້ຕ່າງກັນກັບບັດທັນນະບັດບ່ອນທີ່ ບັດທັນນະບັດນັ້ນເປັນຄືກັບຕົວແທນມູນຄ່າຊັບສິນທີ່ເຮົານຳໄປຝາກທະນາຄານໄວ້ ແຕ່ເງິນເຈ້ຍ (ຈາກນີ້ຈະເອີ້ນວ່າ “ທັນນະບັດ”) ສາມາດເຮັດຕົວເປັນເງິນໄດ້ເອງ ສາມາໃຊ້ຊຳລະໜີ້ ແລະ ແລກປ່ຽນໄດ້ ແລະຍັງສາມາດແບ່ງເປັນໜ່ວຍຍ່ອຍໆ ທີ່ສະດວກຕໍ່ການໃຊ້ງານຫຼາຍກວ່າບັດບັດທັນນະບັດອີກດ້ວຍ.
ເລີ້ມທຳອິດແນວຄິດນີ້ຖືກໃຊ້ໃນບາງພື້ນທີ່ຂອງປະເທດຈີນເທົ່ານັ້ນ ໂດຍເງິນທັນນະບັດຈະມີການຄ້ຳປະກັນໂດຍອຳນາດລັດທີ່ປົກຄອງພື້ນທີ່ນັ້ນໆ ຊື່ງໃນຊ່ວງທຳອິດມີຜູ້ຄົນຕໍ່ຕ້ານແນວຄິດການໃຊ້ທັນນະບັດນີ້ເນື່ອງຈາກເຫັນວ່າເຈ້ຍບໍ່ໄດ້ມີມູນຄ່າເທົ່າກັບຫຼຽນທີ່ເຄີຍໃຊ້ກັນ ແຕ່ເມື່ອຜູ້ຄົນເລີ້ມເຫັນເຖິງຄວາມສະດວກສະບາຍຂອງການໃຊ້ເງິນທັນນະບັດແລ້ວ ຜູ້ຄົນທົ່ວທັງປະເທດຈີນຈື່ງເລີ້ມຍອມຮັບຫຼາຍຂື້ນ ຈົນກວ່າວ່າສາມາດສ້າງທັນນະບັດຂອງສະກຸນເງິນຈີນທີ່ລັດຖະບານຍອມຮັບໃຫ້ໃຊ້ຊຳລະໜີ້ໄດ້ໃນແຜ່ນດິນຈີນ ແລະແນວຄິດເງິນທັນນະບັດນີ້ກໍ່ໄດ້ແຜ່ກະຈາຍໄປຕາມຢູໂຣບ ແລະທົ່ວໂລກໃນເວລາຕໍ່ມາ
ການມີຂື້ນຂອງທັນນະບັດເຮັດໃຫ້ຄວາມຄ້ອງຕົວທາງເສດຖະກິດສູງຂື້ນ ເພາະຈາກການຄ້າທີ່ຕ້ອງໃຊ້ທອງໜັກ 1 ຕັນ ໃນການແລກປ່ຽນ ກາຍເປັນໃຊ້ເຈ້ຍມີນໍ້າໜັກພຽງບໍ່ເທົ່າໃດກຣາມ ແຕ່ມີມູນຄ່າທຽບເທົ່າກັນ ເຮັດໃຫ້ ການຄ້າສາມາດເກີດຂື້ນໄດ້ຢ່າງວ່ອງໄວ ແລະສະດວກສະບາຍຍິ່ງຂື້ນຢ່າງໃດກໍ່ຕາມ ການໃຊ້ທັນນະບັດກໍ່ສົ່ງຜົນໃຫ້ແຕ່ລະປະເທດຕ້ອງພະຍາຍາມເປັນຢ່າງຫຼາຍທີ່ຈະສ້າງກົນໄກໃນການປ້ອງກັນການປອມແປງຫຼືການສ້າງທັນນະບັດປອມຂື້ນມາໃຊ້ງານ ນອກຈາກນີ້ແຕ່ລະປະເທດກໍ່ຈະຍອມຮັບພຽງສະກຸນເງິນຂອງປະເທດຕົນເອງ ຫຼືສະກຸນເງິນຂອງປະເທດອື່ນບາງປະເທດເທົ່ານັ້ນ ແລະດ້ວຍຄວາມແຕກຕ່າງຂອງທັນນະບັດ ກັບບັດທັນນະບັດຂອງທະນາຄານທີ່ທັນນະບັດນັ້ນຈະບໍ່ມີການນຳສິນຊັບທີ່ມີມູນຄ່າໄປຄ້ຳປະກັນ ເຮັດໃຫ້ເງິນໃນຮູບແບບຂອງທັນນະບັດສາມາດຖືກຜະລິດອອກມາໄດ້ເລື່ອຍໆ ໂດຍລັດຖະບານຂອງແຕ່ລະປະເທດ ຊື່ງຖ້າມີການກະທຳເຊັ່ນນີ້ເກີດຂື້ນ ຈະສົ່ງຜົນເສຍຫາຍຕໍ່ສະພາບເສດຖະກິດຢ່າງແນ່ນອນ ຫຼາຍປະເທດຈຶ່ງຕ້ອງເລີ້ມໃຊ້ງານລະບົບມາດຕະຖານທອງຄຳ (Gold Standard) ໃນການຄ້ຳປະກັນມູນຄ່າຂງເງິນປະເທດນັ້ນໆ ຕາມລາຄາທອງຄຳທີ່ປະເທດຕົນຕັ້ງລາຄາຊື້ຂາຍເອົາໄວ້ ສິ່ງນີ້ເຮັດໃຫ້ການຜະລິດເງິນຈະຖືກຈຳກັດໃຫ້ເງິນມີມູນຄ່າໄລ່ເລ່ຍກັບທອງຄຳທີ່ປະເທດນັ້ນໆ ມີສຳຮອງໄວ້ |
 |
** ຂ່າວວິກິດການເສດຖະກິດຕົ້ມຍຳກຸ້ງໃນປີ ພ.ສ. 2540 **
ໃນຊ່ວງປີ ຄ.ສ.1930 ໄດ້ເກີດພາວະເສດຖະກິດຕົກຕ່ຳຄັ້ງໃຫຍ່(Great Depression) ສົ່ງຜົນກະທົບທົ່ວໂລກ ກັບອຸດສາຫະກຳ ພາສີ ລາຍໄດ້ສ່ວນບຸກຄົນ ອັດຕາການວ່າງງານ ຕະຫຼາດຫຸ້ນ ແລະ ອື່ນໆ ອີກຫຼວງຫາຍເກືອບທຸກອົງປະກອບຂອງເສດຖະກິດຕົກຕ່ຳລົງຈາກເຫດການນີ້ ຜູ້ຄົນເລີ່ມວິພາກວິຈານວ່າລະບົບ Gold Standard ເຮັດໃຫ້ເສດຖະກິດຝຶດເຄື້ອງ ເມື່ອບໍ່ມີປະລິມານເງິນໃນປະເທດພຽງພໍ ແມ້ກະທັງຄົນທຸກຈົນບາງຄົນຍັງບໍ່ມີແມ້ແຕ່ເງິນຈັກຫຼຽນ ເຮັດໃຫ້ສາຫະຣາດສະອານາຈັກຍົກເລິກ Gold Standard ແລະປ່ອຍໃຫ້ເງິນປອນລອຍຕົວໃນຕະຫຼາດແລກປ່ຽນເປັນປະເທດທຳອິດໃນປີ ຄ.ສ.1931 ສ່ວນປະເທດອື່ນໆ ເຊັ່ນ ຍີ່ປຸ່ນປະເທດແຖບສະແກນດິເນເວຍ ແລະ ສາຫະລັດອາເມລິກາ ຍົກເລິກຕາມມາໃນພາຍຫຼັງ ໂດຍສະເພາະສາຫະລັດອາເມລິການັ້ນ ໃນຍຸກສົງຄາມຫວຽດນາມສາຫະລັດອາເມລິກາ ຂາດດຸນການຄ້າຫຼາຍຂື້ນເລື່ອຍໆ ເສດຖະກິດສາຫະລັດອາເມລິກາຂະຫຍາຍຕົວຫຼຸດລົງ ເຮັດໃຫ້ສະກຸເງິນດອນລຼາສາຫະລັດອາເມລິກາອ່ອນຄ່າ ຫຼາຍປະເທກທີ່ຖືກເງິນສະກຸນດອນລຼາສາຫະລັດ ເກີດຄວາມສົງໃສວ່າ ສາຫະລັດອາເມລິການ ພິມທັນນະບັດອອກມາໃຊ້ຫຼາຍກວ່າທອງຄຳທີ່ເປັນທຶນສຳຮອງຢູ່ຫຼືບໍ່ ຈຶ່ງນຳເງິນດອນລຼາສາຫະລັດ ໄປແລກທງຄຳກັບມາ ແລະ ແນ່ນອນວ່າສາຫະລັດບໍ່ສາມາດຫາທອງຄຳໃຫ້ແລກຄືນໄດ້ພໍ ທ່ານ ຣິຊາຣ໌ດ ນິກສັນ ປະທານາທິບໍດີສາຫະລັດ ໃນຂະນະນັ້ນໄດ້ປະກາດຍຸດຕິ Gold Standard ແລະໃຫ້ຄ່າເງິນດອນລຼາສາຫະລັດ ຂື້ນຢູ່ກັບເສດຖະກິດຂອງຄວາມເຊື່ອແຕ່ລະປະເທດ ຈົນສົ່ງຜົນໃຫ້ທົ່ວໂລກຄ່ອຍໆ ປັບຕົວມາໃຊ້ລະບົບເງິນທີ່ເຮົາໃຊ້ກັນໃນປັດຈຸບັນ ນັ້ນກໍ່ຄືລະບົບເງິນຕາເຟຍຕ໌ (Fiat Currency) ທີ່ເຮັດໃຫ້ການຜະລິດນັ້ນຂື້ນຢູ່ກັບນະໂຍບາຍຂອງແຕ່ລະປະເທດ ເຊັ່ນ ບາງປະເທດໃຊ້ທອງຄຳຫຼືຊັບສິນບາງສ່ວນມາຄ້ຳປະກັນມູນຄ່າຂອງເງິນເພື່ອບໍ່ໃຫ້ເງິນລອຍຕົວເກີນໄປ ຊື່ງລະບົບດັ່ງກ່າວເຮັດໃຫ້ການຜະລິດເງິນຂອງແຕ່ລະປະເທດມີອິດສະຫຼະຫຼາຍຂື້ນ ສາມາດຊ່ອຍຫຼຸດຄວາມຝຶດເຄື້ອງຂອງເສດຖະກິດໃນປະເທດ ແຕ່ໃນທາງກັບກັນມັນຄືດາບສອງຄົມ ເພາະມັນເຮັດໃຫ້ລັດຖະບານສາມາດຜະລິດເງິນອອກມາໄດ້ຕາມສະບາຍໃຈ ຈົນເກີດພາວະເງິນເຟີ ແລະຍິ່ງສ້າງບັນຫາໃຫ້ກັບເສດຖະກິດໄດ້ |
 |
ອີກໜື່ງເຫດການທີ່ຕອກຍ້ຳຄວາມຜັນຜວນຂອງມູນຄ່າຂອງເງິນ ນັ້ນກໍ່ຄື ວິກິດການການເງິນໃນເອເຊຍເມື່ອ ພ.ສ.2540 (ຄ.ສ 1997) ຫຼືທີ່ຄົນໄທ ແລະ ເອເຊຍ ຮູ້ຈັກກັນໃນຊື່ວ່າ “ວິກິດຕົ້ມຍຳກຸ້ງ” ເມື່ອປະເທດໄທບໍ່ຍອມປ່ອຍໃຫ້ຄ່າເງິນບາດລອຍຕົວແລະເຮັດການບັງຄັບໃຫ້ເງິນບາດມີມູນຄ່າແບບຕາຍຕົວໂດຍອິງຈາກເງິນດອນລຼາສາຫະລັດ ການໂຈມຕີສະກຸນເງິນຈື່ງເກີດຂື້ນຈົນເຖິງຈຸດທີ່ປະເທດໄທບໍ່ມີເງິນຕ່າງປະເທດສຳຮອງໃນການບັງຄັບມູນຄ່າເງິນບາດໃຫ້ຢູ່ໃນສະພາບຕາຍຕົວໄດ້ອີກຕໍ່ໄປ ລັດຖະບານໄທຈື່ງຈຳເປັນທີ່ຈະຕ້ອງປ່ອຍເງິນບາດລອຍຕົວ ຊື່ງເປັນການລອຍຕົວທີ່ສູງແລະສົ່ງຜົນຕໍ່ເສດຖະກິດທັງຂອງປະເທດໄທ ແລະ ປະເທດເພື່ອນບ້ານໃນເອເຊຍຢ່າງໜັກໜ່ວງ ເມື່ອເງິນທີ່ທຸກຄົນຖືໃນມືມີມູນຄ່າຫຼຸດລົງເຫຼືອເຄິ່ງໜຶ່ງໃນຊົ່ວຂ້າມຄືນ ໂດນສະເພາະກຸ່ມຜູ້ເຮັດທຸລະກິດນຳເຂົ້າສິນຄ້າ ທີ່ຕ້ອງຈ່າຍເງິນຊື້ສິນຄ້າເປັນເງິນຕາຕ່າງປະເທດ ທີ່ຈະຕ້ອງແບກຮັບຕົ້ນທຶນເພິ່ມຢ່າງມະຫາສານເຮັດໃຫ້ຜູ້ຄົນຈຳນວນຫຼວງຫຼາຍຕ້ອງໝົດຕົວຈາກວິກິດດັ່ງກ່າວ.
ເຫດການເຫຼົ່ານີ້ສະແດງໃຫ້ເຫັນວ່າມະນຸດສະຍາຊາດມາໄກສຳໃດຈາກການໃຊ້ສິ່ງຂອງໃນການແລກປ່ຽນເຊິ່ງກັນແລະກັນ ຈາກການໃຊ້ເກືອໃນການແລກປ່ຽນ ເປັນການຄົ້ນພົບແຮ່ທາດໂລຫະອິນມີຄ່າເຮັດໃຫ້ມະນຸດປ່ຽນມາໃຊ້ທອງຄຳ ຈາກທອງຄຳຈຶ່ງກາຍມາເປັນຮູບແບບຂອງທັນນະບັດທີ່ບໍ່ມີມູນຄ່າທີ່ແທ້ຈິງໃນຕົວຂອງມັນເອງ ແຕ່ເງິນເຫຼົ່ານີ້ມີມູນຄ່າໄດ້ ເພາະມີລັດຖະບານຂອງປະເທດຕ່າງໆ ເປັນຜູ້ຄ້ຳປະກັນ ແລະຄວບຄຸມດູແລໃຫ້ມັນມີມູນຄ່າທີ່ເໝາະສົມແລະສອດຄ້ອງກັບສະພາວະເສດຖະກິດ ແຕ່ຖ້າມື້ໃດເກີດວິກິດການທີ່ລັດຖະບານຂອງປະເທດນັ້ນບໍ່ສາມາດຄວບຄຸມໄດ້ ມູນຄ່າຂອງເງິນກໍ່ຈະຜັນປ່ຽນໄປຕາມປັດໃຈຕ່າງໆ.
ຊື່ງຄວາມຈິງແລ້ວ ຕົວກາງເຫຼົ່ານີ້ບໍ່ວ່າຈະເປັນເງິນຫຼຽນກະສາບຫຼືທັນນະບັດກໍ່ຕາມ ສິ່ງໜຶ່ງທີ່ຫຼາຍຄົນເຂົ້າໃຈຜິດກັນ ນັ້ນກໍ່ຄື ຕົວກາງເຫຼົ່ານີ້ບໍ່ໄດ້ມີມູນຄ່າໃນຕົວຂອງມັນເອງ ເງິນຕາຈະມີມູນຄ່າເທົ່າໃດນັ້ນຂື້ນຢູ່ກັບວ່າມີຄົນຍິນດີຈ່າຍຫຼາຍນ້ອຍສຳໃດໃນການແລກປ່ຽນ ໂດຍອຸປະທານຫຼືປະລິມານເງິນໃນຕະຫຼາດ ຂອງສະກຸນເງິນໜຶ່ງທີ່ຫຼາຍຂື້ນບໍ່ໄດ້ເຮັດໃຫ້ປະເທດນັ້ນລ້ຳລວຍຫຼາຍຂື້ນ ຫາກບໍ່ໄດ້ມີອຸປະສົງຫຼືຄວາມຕ້ອງການທີ່ເພີ່ມຂື້ນ ຜົນທີ່ເກີດຄືລາຄາສິນຄ້າທຸກຊະນິດຈະມີລາຄາຫຼາຍຂີື້ນ
ຢ່າງໃດກໍ່ຕາມ ເຫດຜົນຂອງການສ້າງທັນນະບັດ ຫຼື ຫຼຽນກະສາບທີ່ບໍ່ໄດ້ມີມູນຄ່າໃນຕົວເອງນັ້ນ ກໍ່ເພື່ອໃຫ້ລະບົບແລກປ່ຽນມີປະສິດທິພາບຫຼາຍຂື້ນ ເນື່ອງຈາກໃນທາງເສດຖະສາດ ການທີ່ປະເທດຈະມີຄວາມມັ່ງຄັ່ງຫຼືມີເສດຖະກິດທີ່ດີໄດ້ ບໍ່ໄດ້ວັດຈາກວ່າຄົນໃນປະເທດມີເງິນຫຼາຍເທົ່າໃດ ແຕ່ວັດຈາກການທີ່ເງິນ ຫຼືການໄຫຼ່ວຽນຂອງການຈັບຈ່າຍໃນລະບົບເສດຖະກິດນັ້ນ ມີສະພາບຄ່ອງຕົວຫຼາຍເທົ່າໃດ ຍິ່ງມີການໃຊ້ຈ່າຍຫຼາຍເທົ່າໃດ ແລະມີການໂອນຍ້າຍຂອງເງິນວ່ອງໄວພຽງໃດ ລະບົບເສດຖະກິດກໍ່ຈະເຕີບໂຕໄດ້ໄວຂື້ນ ເພາະທຸກຄັ້ງທີ່ມີການແລກປ່ຽນສິນຄ້າແລະບໍລິການ ມູນຄ່າຂອງສິ່ງຂອງເຫຼົ່ານັ້ນຈະຖືກສົ່ງຕໍ່ລະຫວ່າງຄົນຕໍ່ຄົນ ອົງກອນຕໍ່ອົງກອນ ຫຼື ປະເທດຕໍ່ປະເທດ ແລະທຸກຄັ້ງທີ່ສົ່ງຕໍ່ກໍ່ຈະເກີດມູນຄ່າເພີ້ມຂື້ນຈາກການແລກປ່ຽນ |
 |
| ແລ້ວຈະເກີດຫຍັງຂື້ນຫາກວ່າ “ເງິີນ” ສາມາດຖືກສົ່ງເຖິງກັນໄດ້ດ້ວຍຄວາມໄວທຽບເທົ່າກັບອິນເຕີເນັດ ຫາກການໂອນຍ້າຍມູນຄ່າຈາກຊີກໂລກໜຶ່ງໄປຍັງອີກຊີກໂລກສາມາດເຮັດໄດ້ດ້ວຍການໃຊ້ເວລາພຽງບໍ່ເທົ່າໃດນາທີ ສິ່ງນີ້ຈະນຳມາຊື່ງສະພາບຄ່ອງທາງເສດຖະກິດທີ່ມະນຸດບໍ່ເຄີຍເຫັນມາກ່ອນ ຊື່ງນີ້ຄືແນວຄິດ ແລະ ຈຸດປະສົງໃນການກຳເນີດຂື້ນຂອງ Cryptocurrency ອັນທີ່ຈິງແລ້ວແນວຄິດກ່ຽວກັບເງິນດິຈິຕອນຫຼື Digital Currency ນີ້ໄດ້ຖືກກຳເນີດຂື້ນແລະມີມາກ່ອນ Bitcoin ເສຍອີກ ພຽງແຕ່ວ່າແນວຄິດເຫຼົ່ານີ້ຍັງບໍ່ປະສົບຄວາມສໍາເລັດຈົນວ່າມາເຖິງຍຸກຂອງ Bitcoin |
ความคิดเห็น